Bílastæði
Bílastæði við Egilshöll
Green Parking ehf. sér um rekstur bílastæða við Egilshöll fyrir hönd eigenda auk þjónustu við bílaeigendur í tengslum við notkun bílastæðanna. Hér að neðan má finna svör við algengum spurningum.
Algengar spurningar
Almenn stæði (4 klst. frítt): Á stærsta hluta svæðisins geta gestir lagt í allt að fjórar klukkustundir án þess að greiða eða skrá sig. Það dugar fyrir flestar æfingar, bíóferðir eða heimsóknir.
Skammtímastæði (15 mín. frítt): Stæðin alveg næst inngöngunum verða frátekin fyrir þá sem þurfa að stoppa stutt, til dæmis til að sækja eða koma með börn á æfingar. Þar má leggja gjaldfrjálst í 15 mínútur.
Gjaldskrá
- Bílastæði: 450 kr.- á klst.
- Greiðsluþak á dag 4.500 kr.-
Markmiðið er að tryggja að gestir og viðskiptavinir eigi alltaf auðvelt með að finna laust stæði nálægt húsinu.
Gjaldtakan er á vegum húseiganda, sem er fasteignafélagið Heimar. Framkvæmd gjaldtökunnar er í umsjón Green Parking.
Green Parking er fyrirtæki sem sérhæfir sig í nútímalegum og sjálfvirkum lausnum fyrir rekstur bílastæða, bílakjallara og bílastæðahúsa.
Nei. Á flestum stæðum við Egilshöll eru fjórar fyrstu klukkustundirnar gjaldfrjálsar. Gjaldtakan er fyrst og fremst ætluð þeim sem skilja farartæki eftir á stæðunum í lengri tíma en ekki gagnvart þeim sem eru að sækja þjónustu eða mæta á æfingar.
Á skammtímastæðum má að hámarki vera í 15 mínútur án þess að greiða. Þau stæði eru: boginn fyrir framan aðalinngang, stæðin fyrir framan Shake and Pizza og stæðin við vörumóttökur vestan megin við Egilshöll. Þessi stæði eru ætluð þeim sem eru að sækja eða skutla. Á öðrum stæðum er hægt að leggja í að hámarki fjórar klukkustundir á dag án þess að greiða.
Myndavélakerfi á svæðinu les númeraplötur farartækja sem ekið er inn og út af svæðinu og fylgist þannig með hvaða farartæki eru á svæðinu og hversu lengi. Ef farartækið er innan frítímans á svæðinu þarf ekkert að gera. Ef lagt er lengur á svæðinu þarf að greiða fyrir.
Það eru ýmsar greiðsluleiðir í boði. Hægt er að nota bílastæðaöppin Autopay og Easypark til að greiða. Einnig er hægt að skanna QR kóða á merkingum á svæðinu til að fara inn á greiðslusíðu fyrir Egilshöll.
Greitt er fyrir stæði áður en farið er af svæðinu. Ef greitt er á greiðslusíðu eftir að greiðsla berst hefur ökumaður nokkrar mínútur til að fara af svæðinu. Ef sjálfvirkar greiðslur eru virkar í bílastæðaappi þarf ekkert að gera þar sem appið sér um greiðsluna.
Þú getur skráð þig inn á Mínar Síður hjá Green Parking hér og skráð þig þar inn með rafrænum skilríkjum. Þar getur þú séð upplýsingar vegna reikningsins og sent inn athugasemdir.
Já. Til að handhafar P-merkis geti lagt gjaldfrjálst við Egilshöll þarf að skrá viðkomandi.
Til þess eru tvær leiðir:
Með Autopay appinu:
Handhafi P-merkis sækir og setur upp Autopay appið ef viðkomandi er ekki þegar með appið. Autopay appið er gjaldfrjálst og án skuldbindinga. Viðkomandi skráir síðan bílnúmer sitt í appið. Ekki þarf að skrá greiðslukort í appið nema viðkomandi ætli að nota það á öðrum stöðum.
Handhafi P-merkis sendir síðan tölvupóst á netfangið hjalp@greenparking.is með mynd af P-merkinu til staðfestingar og upplýsingum um netfangið sem var notað fyrir Autopay aðganginn.
Þjónustuver Greenparking úthlutar í gegnum Autopay leyfi til viðkomandi til að leggja gjaldfrjálst á stæðunum við Egilshöll, bæði nær- og fjærstæðum.
Kosturinn við að nota Autopay appið er að notandi getur skipt um bílnúmer í appinu (eða haft fleiri númer skráð) ef viðkomandi er ekki alltaf á sama bíl og þarf því ekki að láta vita af breytingunni. Leyfið tengist Autopay aðganginum en ekki bílnúmerinu.
Án Autopay appsins:
Ef viðkomandi getur ekki eða vill ekki sækja og setja upp Autopay aðgang sendir viðkomandi tölvupóst á hjalp@greenparking.is með mynd af P-merkinu til staðfestingar og bílnúmeri.
Þjónustuver Greenparking skráir bílnúmerið á lista yfir handhafa P-merkis og þá er hægt að leggja viðkomandi bíl gjaldfrjálst á bílastæðum við Egilshöll, hvort sem er nær- eða fjærstæðum.
Leyfið tengist bílnúmeri og viðkomandi þarf að láta vita ef skipt er um bíl til að hægt sé að uppfæra skráð bílnúmer.